jimmycmlin的部落格

咱的台灣~~~~~高雄捷運系統~~~~~遊子
高雄市是咱台灣第2大都市，佮邊仔的縣市地區結合成第2大都會區，綴
遮大台北都會區後，高雄捷運系統嘛準備開始欲通車囉！對地區民眾的
方便，捷運車頭為中心的捷運生活圈嘛會出現‧高雄捷運系統到底起好
幾條路線？
高雄捷運系統起好2條路線，叫做紅色線佮柑仔色線，全長總共有42.3
公里長‧紅色線是由北爿高雄縣岡山鎮開始，一直通過到南爿的高雄市
小港區，全長總共有28.9公里，設有24個捷運車頭，其中15個車頭是
以起佇地下，8個車頭是以高架方式，1個車頭是起佇平面，全線已經佇
20070627通車，為著確保通車品質佮安全，要到今年年底才欲正式載客
通車營運‧全線貫穿過高雄市的南北地區，佮左營的高速鐵路高雄車頭
、台鐵高雄車頭、小港國際機場、楠梓加工出口區、高雄臨海工業區等
重要所在連結做伙，嘛經過世界運動會主要的比賽場地，到2010年時，
預定每工會使載運28萬人次，到2030年時，預定每工會使增資到載運53
萬人次‧
另外1條柑仔色線是東西向的路線，西爿由高雄市的西子灣起，一直通過
到東爿的高雄縣大寮鄉，全長總共有13.4公里，設有14個捷運車頭，其
中13個車頭是以起佇地下，預定明年(2008)10月會使全線通車‧
紅色線佮柑仔色線的捷運系統親像拍1個十字叉子，予大高雄都會區蹛佇
東西南北地區的民眾，來來去去真正方便‧