jimmycmlin的部落格

咱的台灣~~~~~豐年節佮豐年祭~~~~~遊子
佇媒體看到---原民豐年節5族舞花蓮---‧咱一般攏聽過有豐年祭，毋知豐年節佮豐年祭
有什麼無共？
豐年祭就是一般原住民族的新年祭典儀式，一般佇稻子、蕃麥、小米等農作物收成後，部
落的族群就安排時間來辦豐年祭，一方面是謝天謝地、祭祖、敬老、規陣人跳舞、予部落
的少年查埔查某有互相熟似瞭解的機會‧
豐年祭是原住民族上大的祭典儀式，其實亦是 一大kuann祭典的總稱；包括有收成祭、開
倉祭、祖靈嘗新祭等等，古早時代祭典時間較短的嘛有10外工，較長的有差不多歸個月，
儀式過程中參有巫術的成份‧即馬部落的人遷徙去平地討食，留佇部落的愈來愈少，祭典
時間漸漸改為3~5工，一寡仔儀式嘛一直省掉啦！不過，豐年祭猶原保持著特別的意義‧
花蓮縣政府為著將祭典儀式辦著親像鬧熱的嘉年華會，希望復較濟人來參加，所以，將活
動叫做豐年節，歸個活動的內容變成鬧熱佮趣味的觀光節目，無參有巫術的成份，不過，
猶保留著手重要的原住民族傳統；同齊來參加的有5個族群，攏是生活佇花蓮縣內的阿美族
、布農族、葛瑪蘭族、太魯閣族、撒奇萊雅族等等；今年是7月13至15日，踮花蓮市美崙
運動場，有時間的朋友會使去參加湊鬧熱喔！