jimmycmlin的部落格

新聞辭典~~~~~冗長的發言~~~~~遊子
昨昏立法院開議第一工，就看到泛藍的委員，激幾仔陣佇會議堂內，大聲細聲
佮zung來zung去，亂歸工，講甲lor-lor長，完全就是一場“冗長的發言”！
是一場毋管台灣人民死活的丑仔戲‧
什麼叫做“冗長的發言”？哪照英文Filibuster來講，伊原本是西班牙語，原意
是指海賊劫持船隻來向船主要脅贖金的情況‧親像10幾工前，3隻咱台灣漁船
互索馬利亞的叛徒海賊掠去共款‧
抑是照政治學名詞來講：佇議會的議堂內，Filibuster是表示席次卡少的在野黨，
無法度否決特定的法案、人事案，抑是為著達到某一種特別的政治目的時，在野
黨議員會輪流企佇發言台頂，展開著馬拉松式的長期間演講，用即種方式來癱瘓
議事的進行、阻擋投票等等，來逼迫執政黨同意退讓的作法‧
Filibuster策略愛成功，就愛有口才真好的議員，會當長期間、無歇睏，一路由頭
講到尾仔，講的內容上好是和議題有關，不過，嘛定定拄到天馬行空，在場的逐
家毋知伊佇亂彈什麼？抑是，演講無法度續落去來歇睏、離開發言台，就失去繼
續講話的權利‧所以，這對議員的口才、體力、題材佮臨場應變的能力，是真大
的考驗喔！不過，即種步數嘛定定有成功的機會，才會互在野黨看做是絕地必殺
的步數‧
歷史上，佇美國國會“冗長的發言”的案例中，已經過身，出身自南卡羅來那州
的共和黨參議員Strong Thurmond，為著反對民權法案，佇1957年8月，創下演
講時間達到24點鐘又佮20分鐘，真少看到安呢的紀錄喔！
泛藍委員是目前的多數，不過，大選了後到今的表現作為，實在傷過份啦！頂禮
拜6，日本國會全面改選的經驗，是互咱全台灣人正經愛好好仔思考佮參考啊！