jimmycmlin的部落格

新聞辭典~~~~~手機遙控炸彈~~~~~遊子 .
今年發生幾仔件歹徒用爆炸物恐嚇的代誌，其中的“手機遙控炸彈“是上新
佮上危險的家私頭仔之一‧什麼是“手機遙控炸彈“？
手機遙控炸彈並毋是直接佇手機內底囥炸藥，手機干哪是做為“驅動引爆”
的發火物，主要的炸藥﹝像烏色炸藥﹞另外裝佇其他的罐仔底，才搁用電線
和手機來連結‧
手機遙控炸彈嘛有藥聯﹝Firing chain﹞，包括：電池、手機發火物、雷管、
主要的炸藥、線圈開關組等，採用遙控式開關詭雷引爆，利用光電原理，踮
相當遠的距離外，透過無線電遙控來引爆‧
引爆前先將手機仔切換到自動接聽的模式，才拍電話互已經設定的手機仔，
自動接通了後，ji落事先設定好的位置，互手機仔內，佇一目nih的時間產
生短路，猶搁透過IC晶片放大器造成火焱，進一步就引爆主要的炸藥‧抑
佇主要的炸藥內佮囥圖釘、鐵釘仔類的物件等等，佇爆炸了後就親像散彈
的炸彈，產生：超壓、碎片、對人體的加速和減速、燒熱等4種危害，其中
的任何一種，攏會造成附近真嚴重的傷亡事件‧所以，警方非常重視即種犯
罪手法，全力來破案佮阻擋‧