jimmycmlin的部落格

台語文新聞辭典~~~~~原生家庭反應~~~~~遊子
什麼叫做原生家庭反應？
原生家庭反應是指1個人自細漢到大人，受到原本家庭內所看到、聽到、親身感受到
的事誌的影響，一直到大漢以後，會將hia的影響，在日常生活無形中表現出來，產
生共款的過程和結果；由生活習慣、處理事誌的方式、價值觀、性格、父母婚姻的狀
況、親朋好友做伙的情形、親子教育方式等等，攏會受到真深的影響‧
個人雖然大漢以後卡捌事誌，出社會以後嘛脫離原生家庭生活，亦是結婚以後獨立搬
去外面蹛，不過，個人的日常行為、對事誌的認知、個性方面等等，其實完全無法度
脫離原生家庭的影響，所以，以前出現在原生家庭的事件，毋管是好的歹的，嘛復重
複出現在個人的日常生活中‧


所以講：查埔、查某大漢以後，欲揣好的結婚對像時，需要考慮到門當戶對，伊的本
意是指當事者來自無共的原生家庭，互相的原生家庭反應毋通差傷濟，抑無，新組成
的家庭可能會衝突不斷‧俗語講：家和萬事興，家吵萬世窮‧莫怪欲揣好的結婚對像
時，俗語嘛有講：拄到歹田望後冬，娶到歹某歸世人‧亦有講：買田看田底，娶新婦
看娘le‧所以，對原生家庭反應的注重，實在是真要緊的事誌啊！