jimmycmlin的部落格

台語文新聞辭典~~~~~臍帶血~~~~~遊子
臍帶血是指肚臍帶的血管內的血‧胎兒在老母的腹肚內時，是靠肚臍帶連接胎兒和母體，
來提供胎兒需要的營養分，一般採集臍帶血是在嬰兒拄仔出世，脫離母體了後，胎盤猶未
由母體排出進前，由肚臍帶的臍靜脈來採集臍帶血‧
以往，肚臍帶在嬰兒出世了後，就予人看做無用的廢棄物來tan掉，後來，經過醫學專家
研究，發現臍帶血內有真濟造血幹細胞的成份，對臨床治療有真大的幫助，嘛開始發展利
用臍帶血做為臨床治療的新方向‧
目前知影利用臍帶血會使治療的病症有：再生不良性貧血、海洋性貧血、白血病、免疫不
全病症、先天代謝性病症等等，攏是利用別人的臍帶血(包括親屬和毋是親屬)，來做移植
治療‧
不過，嬰兒拄仔出世的嬰兒，抑準有先天代的病症等等，就無法度保留伊的臍帶血予家自
亦是別人使用；正常的嬰兒捐出臍帶血了後，嘛需要定期追蹤嬰兒本人和伊的親生父母的
健康情況，來確保嬰兒捐出來的臍帶血會使用‧
目前替身保存臍帶血的所在分做公益臍帶血庫和私立營利的臍帶血銀行：
公益臍帶血庫是無償捐贈，嘛無指定使用者，只要配對會合就會使，毋免保管費用，目前
有3間：台灣血液基金會、和信治癌病院和慈濟骨髓幹細胞中心等等‧私立的有7間：大展
、台灣永生、生寶、再生緣、台灣尖端、宏燁、訊聯等等‧
目前健保無負擔用臍帶血做移植治療的費用，所以，欲接受用臍帶血做移植治療的人，除
了要先做配對試驗選擇以外，需要負擔近百萬的醫療費用喔！所以，可能需要透過病院的
預算輔助亦是社會福利資金來輔助，抑無，負擔算是真重‧