新聞辭典~~~~~鱷魚的目屎~~~~~遊子
在醫學上一般講：鱷魚的目屎(Crocodile Tears)，是1個醫療病症的專有名詞‧
是描述顏面神經麻痺的患者，因為顏面神經無正常，造成目屎無法度照家自的意思
來控制，無張踟時會無事無誌隨時流落來的症頭‧其實這個名詞是由古典文學中借
用過來，伊的本意是指：鱷魚會用流目屎的步數來欺騙想欲掠奪的獵物目標，是1
種假仙的行為，所以，鱷魚的目屎毋是予人可憐亦是慈悲的目屎‧
到今，在美國社會生活中的用詞，鱷魚的目屎(Crocodile Tears)嘛已經變成通
用的俗語囉！在媒體上定定用來刮洗政治人物的假仙假觸，有喙無心、無信用，講
的卡濟做的；親像華語所講的：貓哭耗子，假慈悲‧亦是台語所講的：6月芥菜，
假有心啦！
所以，以後看到人一直在流目屎，要會曉判斷對方是：真正傷心可憐的目屎？顏面
神經無正常的目屎？亦是鱷魚的目屎？
全站熱搜
留言列表
