新聞辭典~~~~~境外吸毒和毛髮驗毒~~~~~遊子
最近真濟出名的藝人予警方查出有吸毒的行為，雖然，當事者攏1口否認，不過，經過驗尿
和毛髮驗毒，就無法度走閃，有無隨現形啦！續落來嘛有當事者想欲閃法律縫，講伊是境
外吸毒的‧到底什麼是境外吸毒和毛髮驗毒？
境外吸毒：
依照毒品危害防制條例第10條規定：吸食大麻(屬第2級毒品)，處3年以下有期徒刑‧但是
依照刑法第7條規定意旨：國人抑是在咱國司法管轄領域外吸食大麻，
咱國法律無訴究‧
因為咱國刑法對國人在境外犯罪的處罰要件，必須所犯為上輕本刑3年以上重罪，才追訴‧
所以，吸食大麻(屬第2級毒品)，無在前項規定內底‧
刑法嘛另有但書：國人雖然在外國犯刑法3年以上之罪，但依照犯罪地法律不罰時，咱國司
法機關亦才追究‧
毛髮驗毒：
檢驗毛髮是毋是有毒品成份殘留，是用氣相層析質譜儀(Gas Chromatography)，是目前
上精準的檢驗方式；毋哪做有無的定性分析，猶會使進一步做定量分析，推測當事者吸食毒
品的時間‧所以，比驗尿復卡有效來判斷，因而毛髮(包括頭毛體毛等等)在皮下毛囊細胞合
成，在生長過程中，毛囊細胞會吸收周圍血筋和皮脂腺做為養分，予毛囊細胞內的毛髮順序
生長，血筋內藥仔的成份亦是相關的藥仔代謝物，攏會綴著進入毛囊細胞，參著毛髮長起來
，繼續留在毛髮内‧因為咱身體頭毛的生長速度大約是每個月發出1cm~1.5cm，所以，受驗
者剪落5公分長的頭毛，會使檢驗出4~5個月內是毋是有吸食毒品的行為‧這是非常正確，
受驗者絕對無法度走閃啦！準做剃光頭，由別位的體毛猶原共款喔！
總講1句：食毒是害到個人的健康和開錢，學業、頭路和美滿家庭嘛散了了，為著揣錢去買
毒，搶、偷、殺人、放火等等，什麼歹事誌攏敢做‧一開始就毋通毣，萬一行毋對路，一定
要緊回頭才有救啦！
留言列表
