jimmycmlin的部落格

(頂仔是掠海翁船)
新聞辭典~~~~~豆腐鯊~~~~~遊子
媒體報導：屏東國立海生館內1隻細隻海翁鯊不幸夭折‧
海翁鯊就是咱一般所講的豆腐鯊，華語叫做鯨鯊，伊是世界上大的魚
仔類‧身體長達到20公尺，體重會當大到幾仔十噸，在全球逐所在的
熱帶佮亞熱帶的海域，攏會發現到伊的大隻身影，因為肉質雪白又幼
綿綿，親像幼豆腐共款，所以，才予人叫做豆腐鯊，伊算是海洋中真
溫馴、寬寬仔泅的大型魚仔類，干哪食浮游生物爾爾‧
依照華盛頓公約組織2002年時，將海翁鯊列為保育魚仔類‧美國、澳
洲等國家已經命令禁掠；咱國家在共1年7月初1起嘛實施總量管制，許
可掠豆腐鯊的配額由每年80尾，慢慢仔減到今年的30尾爾爾，而且，
掠到的豆腐鯊身體長不得在4公尺以下，抑無是要放倒返去大海底，今
年的配額30尾嘛已經早就掠完啦！照按尼看，為著保護豆腐鯊，毋通
予絕種去，咱國家早慢嘛會綴著全面禁止掠啦！