jimmycmlin的部落格

新聞辭典~~~~~流動沙和死囡仔(身牚)~~~~~遊子
媒體報導：旗津海域流動沙造成收命的意外，1死亡1拍無去，另外，利用死囡仔(身牚)，
救回查某囡仔1條命‧什麼是流動沙和死囡仔(身牚)？
流動沙是指有的海域的海底床會出現特殊的流動沙層地形，海底床由幼沙仔組成，不過，
海水的流動，隨時會改變海底床地形，有時陣懸低的落差達到幾子十公尺深，遊客原本站
在海底的沙埔，感覺淺淺仔爾，慢慢仔愈行離海岸愈遠，真趣味好耍，突然間一波海湧拍
來又退掉，結果落落去海底看無天頂的雲，因為拄仔所站的沙仔埔，已經予海湧衝流變成
1個深窟仔囉！比1人懸復較深啊！這實在予遊客真驚惶‧這就是流動沙啦！海底床流動沙
會綴著海湧的衝流，亦是海水的弟漲流和退流來移徙、改變地形，嘛會在造成的深窟仔範
圍，引起卷螺仔水波，毋管是毋是會曉泅水，攏可能予卷螺仔水波捲入去海底喔！
死囡仔(身牚；發音theN)(華語叫水母漂)是萬一落入深水窟底，毋管是毋是會曉泅水，
尤其袂會曉泅水的人，一定毋通緊張，要將全身筋肉放輕鬆，放輕鬆了後，身體自然會浮
出水面，會使綴海湧浮來浮去，予欲來救的人看到，搶救就有希望啦！
熱天已經到啦，去戲水時，上好是有救生員在場的泅水池亦是海水浴場，下水前一定先做
體操才下水，嘛一定有伴同齊來互相照顧才安全喔！