jimmycmlin的部落格

新聞辭典~~~~~電子跤環~~~~~遊子
最近佇媒體看到18年前的華岡之狼假釋出獄，需要強制戴電子跤環，走路去美國的經濟罪
犯王又曾，佇美國得到假釋出獄，嘛是需要強制戴電子跤環‧什麼是電子跤環？有什麼作
用？
法務部保護官員指出，電子跤環有防水、防震的功能；法務部引入來進前，有要求廠商要
佇1公尺水深的所在做測驗，毋管是佇一般洗身軀、泅水、泡溫泉等等，攏要通過測驗，
保證無問題才會使‧戴佇被監視控制的人身上，24點鐘攏要隨身戴著，無法度提離開身軀
‧以電子跤環內的無線發訊器來發出訊號，由無線網路的電腦、手機等等，來收到由電子
跤環內的無線發訊器來發出訊號，來判斷被監視控制人佇什麼所在；被監視控制的人嘛袂
使稱採家自提落來，抑無以違規論處，會影響到被監視控制人的假釋佮保護管束的成績‧
不過，目前佇咱國內所採用的電子監視控制系統設備，是由咱國內廠商所研發的，實際操
作使用的時間佮經驗無夠，可能會出現淡薄仔收訊號的死角，所以，負責電子監視控制的
機關人員，要頂真來做好電子監視控制的工課，有意外問題時隨提出反應，予法務部會當
緊佮廠商討論改善增補需要的硬體設備和軟體設計‧