新聞辭典~~~~~一罪一罰~~~~~遊子
媒體報導：有1個搶犯佇2個月內強過21擺，依照”一罪一罰”的法條，重判16年‧
什麼叫做”一罪一罰”？
“一罪一罰”，一般嘛叫做”一案一判”，意思是講1件犯罪案件就判1擺罪，無閣
依照舊的法條，佇連續犯亦是常規犯，毋管伊犯幾件案件攏干哪判1擺罪爾耳‧新法
條佇2006年7月初一開始實行‧
“一罪一罰”是需要依照”數罪併罰”的精神來論罪，佇刑法第51條有規定：每1罪
攏是有期徒刑，併罰時期佇逐個刑中的上長期以上，逐個刑合併的刑期之下，定其刑
期，毋過，袂當超過30年‧
親像講：某甲犯人攏總犯10擺罪，上重的1種罪的刑期是8年，攏總的刑期合起來是
50年，法官就必須佇8年至50年中間訂出伊的刑期來執行，上長袂當超過30年‧
全站熱搜
留言列表
