jimmycmlin的部落格

新聞辭典~~~~~2009年上好的發明~~~~~遊子 2009.11.26.
時代科技佇進步，每年攏有真妓新發明上市，依據時代雜誌(TIME)頂真評選，上尾仔選出10項對咱人類生活影響上大、上好的發明‧依照順序排名是：
(1).NASA戰神火箭:將取代太空梭來執行去月球、火星探險的任務‧
(2).養殖鮪魚(Turo):由澳洲完成人工養殖池培育成功鮪魚，對海洋糧食欠缺有真大的幫贊‧
(3).1000萬美金的電火球仔:是荷蘭飛律浦公司上新led產品，會當提到千萬美金的聯邦採購合約佮現金獎賞‧
(4).智慧恆溫器:會使免電線就連結茨內逐種電器，隨時知影用電量佮電費情形‧
(5).毋免控制器的遊戲機:微軟(MicroSoft)的Xbox身體感測裝置”Project Natal)，運用佇咱身體的動作佮聲音的感應來控制遊戲機‧
(6).一目[目聶]的移動:由美國馬里蘭州科學家發明，佇1公尺遠的光子佮原子中間互相傳送資料成功‧
(7).遠紅外線看遠鏡:歐洲太空總署赫歇爾太空看遠鏡的紅外線光譜，予隱形的天體無所在通覓，予地球上的研究員看甲清清楚楚‧
(8).AIDS疫苗:會使降低31%的愛滋病感染率，愛滋病是20世紀以來全世界的烏死病，尤其佇非洲1年死幾仔百萬人‧
(9).用意念寫推特(Twitter):威斯康辛大學博士班的學生，頭殼戴上裝有電極、監看頭腦活動變化的頭盔，用頭腦想就會當寫出23個字母的推特訊息‧親像心電感應，隨想隨展示出來‧
(10).電子眼:美國麻省理工學院的研究員當佇研發1種對青瞑人有幫助的微晶片，會當恢復部份的視力‧咱台灣的研究團隊亦拍拼研究，有淡薄仔進展喔！
其他猶有真濟環保產品、醫藥保健產品、食的、穿的、蹛的等等攏有啦！