新聞辭典~~~~~電子倉鼠~~~~~遊子 2009.12.01.
媒體報導：今年美國感恩節上搶市的電子消費品是電子倉鼠----。
電子倉鼠到底是什麼物件啊！
電子倉鼠原本英語名叫做”Zhu Zhu Pets”，是1隻予人設計為外
皮毛聳聳的電子鳥鼠，亦會使講是電子寵物，單單1隻差不多8箍美
金，因為價數俗，會出聲，外型真正古椎，閣有真濟種變化，消費
者會使另外選買跑道、轉輪佮小台車等等配備，就會當組成較大型
的玩具，規套的配備攢甲足差不多愛開90外箍美金，毋過，佇北美
洲是賣甲無貨，感恩節到啦！有錢買無電子倉鼠，所以，佇網路上
拍賣的價數亦一直漲懸價喔！
今年開始上市第1代的電子倉鼠，咱台灣廠商提供生產製造的機會
猶少數，毋過，已經積極搶食第2代改良電子倉鼠的訂單，所以，
預測明年上半年咱台灣廠商就會當大量出貨，予MIT的好名聲閣1擺
來透全世界‧
全站熱搜
留言列表
