新聞辭典~~~~~電子冊~~~~~遊子 2009.12.04.
媒體報導：政府準備撥21億來幫助廠商來研究發展電子冊‧最近1~2年來，佇全世界電子冊亦愈來愈時行，愈來愈濟消費者愛用，什麼叫做電子冊啊！
電子冊亦叫做電子閱覽器，亦就是英語的e-book,digital book,electronic book等等‧
電子冊是將冊本的資料數位化，消費者會使利用數位周邊相關的設備來執行閱讀的行為‧所以，欲看電子冊是需要採用特別的閱讀軟體(reader)，以電子檔的形式，透過網路連結，掠資料入去一般倢看的平台，包括：個人電腦(PC)、手機(mobile phone)、筆記型電腦(NB)亦是任何會當大量儲存數位閱讀的閱讀器等等‧
無共格式的電子冊需要無共的閱讀軟體，無共的作業系統是會使支援無共的格式佮閱讀軟體‧親像講：目前亞馬遜(Amazon)使用的是Kindle,Sony的ePub‧
電子冊佮一般紙本的冊共款，內容有分章節、頁次佮翻頁；電子冊是利用電子紙來顯示，並毋是用傳統的液晶螢幕來顯示，所以，並無需要背光來閱讀看冊，佇大日頭下嘛會使來閱讀看冊；另外，電子紙只有佇翻頁換畫面時才有消耗電，比較起來加非常省電喔！而且，電子冊的設計內容裝有DRM(Digital Rights Management，數位版權管理)，會當限制電子冊的消費者將內容複製傳送予別人‧
因為電子冊的內容攏是數位化，真方便使用者來更新修改新資料，有隨時綴著出版公司來更新修改新資料的優點，所以，亦非常受到各行各業廠商的歡迎，對廠商產品的使用說明幫贊真大‧聽講福特汽車公司就準備將產品的使用說書，轉為電子冊的形式，隨時提供予消費者上新版本的資訊佮相關消息‧
電子冊會使包容幾仔百本、幾仔千本紙本冊的資料，紮著1本電子冊就親像紮著1座大冊櫃，亦是1座小型圖書館，隨時綴著行，隨時欲看冊攏真正方便啦！
全站熱搜
留言列表
