jimmycmlin的部落格

新聞辭典~~~~~安太歲~~~~~遊子 2009.12.26.
媒體報導：冬節過了虎年欲到，安太歲愛趁早---‧什麼叫做安太歲？為什麼需要愛安太歲？
太歲亦叫做太陰，佇一般民間認為是凶神，佇道教是看做運命知神‧古早自商朝以來，就定定用歲星來推算世間人吉凶福禍好歹事，講著60太歲是由12地支搭配10天干衍生出來，每1個干支年攏由1位無共的太歲星君來輪值‧
以2010年將欲到的庚寅虎年來講：虎是太歲年的生肖，以1個360度的圓箍仔來看，正沖的就是相差6年位佇正對面的猴啦！旁沖的就是相差3年位佇双爿的蛇佮豬啦！
庚寅虎年的太歲星君是鄔桓將軍，聽講是元朝時出生佇新昌[現此時中國浙江省新昌縣]，自細漢就愛讀冊學東學西，有志向，好品德，後來做縣丞，任內扶助弱勢的人，去除腐敗，予縣內做官無論大小攏無法度為非亂做，予轄區百姓安居樂業，非常得民心‧
因為鄔桓將軍的天干屬金，地支屬木，氣場比較有較硬、有較直，所以，包括8大行業的人、愛行偏門的人，攏較有可能耗損錢銀，應該加拜五路財神求保庇‧
安太歲是1種民間的傳統信仰，每年攏有無共犯沖的太歲生肖，如果輪拄到犯沖的太歲生肖，亦是沖剋者，需要佇年初祭祀太歲星君1年，以祈求平安順序‧原本安太歲是佇茨內神桌頂祀太歲神位，進入工業社會了後，每人無閒，所以，佇咱台灣的寺廟，攏有提供安太歲的服務，收寄付金、添油香，予信徒方便予寺廟增加財源，佇網路科時代亦有供網路頂安太歲的服務喔！