jimmycmlin的部落格

台語文咱的台灣~~~~~溫泉佮冷泉(續篇)~~~~~遊子  

溫泉佮冷泉甘正經會當洗搁會當lim？

經過學者研究發現：佇溫泉內的重金屬成份以砷、錳的比率上懸，其他有鉛、鉻等等；

尤其是火成岩的地質上嚴重‧咱台灣的溫泉地質佮類別主要有3種：

(1). 火成岩：分佈佇大屯山火山群、龜山島、花蓮的海岸山脈安通、綠島等‧溫泉的出現和地跤底的岩漿活動有關係‧水質以硫酸鹽抑是氯化鹽為主，硫酸鹽有厚薄無一定的

硫磺味，水質有稍可仔黃色‧

(2).沉積岩：位佇斷層帶，分佈佇西部山脈，溫泉的出現是靠斷層帶引起來的地熱和水層

結合變成‧水質以碳酸鹽為主，有少部份是氯化鹽和碳酸鹽混合著；碳酸鹽的水質是無色、無味‧

(3).變質岩：分佈佇中央山脈區，溫泉是靠造山運動帶來有夠量的地熱‧水質是以碳酸鹽

為主，是無色、無味‧

抑是lim落函有重金屬的溫泉水，可能對身體產生危害喔！砷是致癌物；鉻中毒會造成

皮膚潰爛，引起過敏性皮膚炎；長期接觸著錳，會影響神經系統，造成四肢震顚，筋肉

僵硬；鉛中毒會造成失眠、幻覺，卡嚴重時會神經錯亂，giu筋‧

所以，用溫泉煮卵，愛撥殼才食比較卡保險；用溫泉種菜後，重金屬的殘留量，猶佇研究中，目前無正式的資料通參考；泡完溫泉後，愛先洗手才提物件來食‧

寒天是泡溫泉上好的時陣，會當減輕壓力、心情放輕鬆、對筋骨疼的關節炎患者有幫助，

不過，溫泉水的溫度毋通傷懸，上好毋通超過43*C，嘛毋通泡傷久，差不多15分鐘著

好，1禮拜2-3擺卡拄仔好‧有心肌梗塞、心臟病、血壓無穩定、有夏龜喘的人，上好

毋通去泡溫泉，抑無，一定愛有人陪，同齊去泡溫泉，才﹝勿會﹞發生意外的不幸事誌‧

佇寒天泡溫泉後，嘛一定愛做好皮膚的保濕保養，皮膚才﹝勿會﹞傷過焦燥‧