新聞辭典~~~~~世界上矮的查埔人~~~~~遊子 2010.03.17.
媒體報導：世界上矮的查埔人過身去囉！予人聽著真毋甘‧
世界上矮的查埔人叫做何平平，出世佇中國，因為有先天原基性侏儒症，身懸只有74.6公分爾爾，佇2008年得到金式世界記錄的認證，予人認定是全世界上矮的查埔人，今年1月佮全世界上懸的查埔人246.5公分懸土耳其的科森，佇伊斯坦堡同齊翕相做紀念‧
世界上矮的查埔人何平平，是2禮拜前佇義大利參加電視台演出時，突然間感覺胸坎無爽快，予人送去病院，佇頂禮拜6往生，得年21歲‧病院的醫生講：伊的心臟有問題，血油亦較懸，應該是心臟病的併發症造成死亡‧
全站熱搜
留言列表
