jimmycmlin的部落格

新聞辭典~~~~~比益比~~~~~遊子 2010.02.24.
媒體報導：咱台灣股票市場比益比破百，是歷史上的新記錄‧什麼是比益比？
比益比是用來評估1間公司是毋是值得予人投資，非常重要的指標之一‧
各別公司股票比益比的計算方法攏共款，就是以股價來除每股年度的稅後所趁的錢；舉例來講：某甲公司現此時佇股票市場的股價是50箍，舊年度稅後所趁的錢每股是5箍，以50 / 5 = 10，現此時某甲公司的比益比就是10啦！
所以，比益比的懸低佮稅後所趁的錢有牽連，毋過，股票市場的股價是欲反應這間公司未來發展的將來性，因為1間公司過去的表現，無論好歹，攏未一直共款保持落去，因為一定會受到國際大環境、產業的變遷、經濟財務的調整、人才的流動、材料的波動，甚至天災地變的影響等等，未來發展可能閣較好，亦有可能變退步啊！
一般佇股票市場較熱的多頭環境，大家較有法度容忍較懸的比益比，佇空頭環境時，大家走命較要緊，比益比比較上較無人注意‧一般選擇公司股票比益比，不如來選擇公司未來的成長性，才是較正確啦！
另外，有部份的產業，親像：面板、DRAM等等，市場一直佇擴大競爭，公司每年貼錢，根本無法度去算出伊的比益比，親像這款公司，一般人欲投資買伊的股票時，一定愛真正細膩小心才是喔！