咱的台灣~~~~~台灣藍鵲~~~~~遊子
報紙報導：幾仔隻藍鵲為著救鳥仔囝，真勇敢拼命嚇退錦蛇‧
台灣藍鵲俗稱長尾山娘‧是台灣特有種的鳥仔類，在山坑仔的樹林內，
時常會當看到in的身影，在低海拔的山區，一般是3、5隻的鳥仔陣排
列做直線，在天頂飛來飛去，咱將即種陣勢叫做”長尾陣”‧
台灣藍鵲的羽毛是深藍色，在翅尾仔參有白色的羽毛，喙和跤是紅色的
‧即種嫷的鳥仔類，台灣通史已經有記載，將伊記述為”翠翼朱喙，光
彩照人”‧即馬將伊列做保育的鳥仔類，嘛是台灣的國寶‧
台灣藍鵲的習性，在長大會當獨立生活以後，嘛真愛和兄弟姊妹生活蹛
做伙，嘛會根據地形，變成一個族群，對領域的佔有感真強烈；共同生
活飼養細隻鳥仔囝，同齊對抗外來的侵略者，就親像趕走嚇退錦蛇共款‧
全站熱搜
留言列表
