close
咱的台灣~~~~~答紙~~~~~遊子
佇參加親朋好友的喪事時，咱攏會包”紙敬”(白包)予喪家，代表咱的淡薄仔心意，
喪家攏會準備”答紙”來回敬，現此時逐家是以外頭印有哀感謝的面巾做為答紙；其
實是由外頭印有哀感謝的糕仔餅轉變來的‧
包”紙敬”佮準備”答紙”來回敬的民俗禮儀，是自清朝中一直到日本統治台灣時就
有，算起來嘛有幾仔百年啦！因為當時物資欠缺，生活艱苦，以糕仔餅做答紙，以柴
刻蓮花佮哀感謝的字做糕仔模，印出有蓮花佮哀感謝字的糕仔餅做答紙，表示往生者
已經前往極樂世界，有甜芳味的糕仔餅，對大人囡仔攏是好食的四饈，佇彼時陣是真
受歡迎‧
所以，由時代的變遷，民俗禮儀的改變，會使反應出一個時代的經濟狀況，嘛會使看
出藝術佮生活習慣結合的所在，予咱瞭解先民傳統習俗佮禮儀的傳承‧
全站熱搜
留言列表
