jimmycmlin的部落格

咱的台灣~~~~~豐田玉/花蓮特產~~~~~遊子
媒體報導：最近1期發表佇美國國家科學院院刊的研究報告，指出利用X光光譜儀來測驗
鑑定，發現在囥佇東南亞逐國博物館的古玉，年代自西元前3000年到西元500年間，總
共144件的古玉，其中116件的古玉，大約有8成，攏是來自台灣的豐田玉，改變以前一
般認為來自中國的錯誤認知，嘛會使加強證明台灣是東南亞佮南太平洋島嶼語族起源的
理論‧
豐田玉是花蓮特產，嘛予人叫做台灣玉仔、閃玉仔；伊的硬度佇6度至7度過間，質地有
卡軟性，嘛有予人叫做軟玉仔，算是玉石類內上有韌性的玉仔類‧
豐田玉主要出產佇花蓮縣壽豐鄉的荖腦溪水源頭，1970年代，豐田玉的開發佮買賣是上
搶市的時陣，為台灣的寶石加工技術業拍好真好的基礎，嘛為台灣趁袂少外匯‧伊的質
地溫潤昭勻，琢磨拋光後，出現油脂的光澤，予人認定為藝術創造品亦是逐種飾品的好
材料‧
1980年後，豐田玉佇市場上漸漸失色退場，最近因為中國經濟發展，一寡仔趁錢的暴發
戶，重頭注意到古早有好名聲的豐田玉仔，嘛想欲準做其他商品共款來炒弄，今後豐田
玉的評價佮價數，可能需要逐家目睭撥金來看伊的發展‧