咱的台灣~~~~~國民年金法~~~~~遊子 2007.01.03.
佇舊年年底結束的第6屆立法院第6會期，總共通過100件議案，效率無算真好，毋過，佇通
過的議案中，上受咱國人ng3-望的是”國民年金法”，這是拖延14年久長，經過無算擺的
討論，即次總算完成3讀程序來通過，預估會使造福353萬的國民，予咱台灣人進入閣較平
等的社會‧到底”國民年金法”對一般民眾的生活有什麼影響？佮現此時已經實施的逐種福
利補助津貼又有什麼無共？互相中間是毋是會出現袂對筒、相衝突的所在？
咱的阿扁仔總統佇新年元旦公告中有講：國民年金法預定佇2008年10月初1開始正式實施，
保險對象包括：
(1).年齡滿25歲，未滿65歲，無參加軍、公、教保險亦是勞保，嘛無領取相關社會保險老
年給付的國民‧
(2).佇開辦前除了勞保老年給付以外，未領取其他社會保險老年給付的國民；亦是開辦後
15年內有領取勞保老年給付，其勞保年資未滿15年，未滿65歲，而且未領取公教保養老給
付、軍保退伍給付者‧
(3).開辦時年齡滿15歲未滿65歲的農保被保險人，攏會使參加‧
根據國民年金法規定：一般被保險人每個月繳674箍，抑準25歲就參加國民年金保險，繳到
65歲總共繳40年，總共繳51萬的保險費，滿65歲以後每個月就會使領取8986箍，一直領到
百年歲後為止‧以現此時咱國65歲國民的平均餘命差不多是17年來看，總共會使領取183萬
外箍；領取的金額嘛會綴著消費者物價指數來調整，抑是，繳費無到40年，嘛是依照保險年
資來計算年金額，總是繳愈久領愈濟就是啦！
實施國民年金已經是世界潮州的趨勢，全世界194個國家中，已經有172個國家實施老年、
遺屬佮身心障礙的保險制度；咱國經過14年久才討論通過，國民年金法的主要精神，是欲照
顧353萬袂當享受到軍、公、教保險亦是勞保等職域性社會保險的國民，擴大社會安全網，
予每1個國民佇歲數濟以後，會使公平享受到國家提供的保障，予退休後的生活閣較有保障‧
留言列表
