咱的台灣~~~~~客家天穿日~~~~~遊子 2008.02.25.
佇舊曆正月20是客家庄的傳統節日天穿日，伊的起源是先人欲紀念女媧氏查某神，
傳說講女媧氏煉五色石來補天頂的破空，一直到舊曆正月20即工，才甲上尾塊石頭
補起來，完全收工；所以，先人認為即工一定會落雨，客家庄的人嘛攏會準備客家
庄的傳統甜粄亦是tsi3甜糕來拜女媧氏神‧
佇早期的農業社會時陣，天穿日是客家庄真正重要的節日，因為一般人過年歇睏，
由過年日開始，續落來初一早、初二早、初三睏甲飽---，一直到上元暝鬧熱為止
，就算過完年啦！毋過，佇客家庄愛過了天穿日，才真正是過完年，隔工開始逐家
才正經收心恢復日常做穡‧即馬工業科技時代，遮的傳統習俗嘛漸漸欲拋荒去，親
像新竹竹東繼續辦的客家山歌比賽，顛倒變成現代客家天穿日的特色囉！
全站熱搜
留言列表
