jimmycmlin的部落格

咱的台灣~~~~~2007年戶籍登記人口數~~~~~遊子 2008.03.03.
依照內政部的統計資料，2007年年底咱台灣有戶籍登記的人口總數是2295萬8360人‧
比較前1年才稍可仔增加3.6%爾爾，人口成長率是有記載以來上低的，人口總數嘛猶未
達到咱一般所喝的2300萬人關口‧
佇逐縣市人口數排頭前3名的是：台北縣大約300萬人排頭名，台北市大約263萬人排頭
仔2名，桃園縣大約193萬人排頭仔3名，這3大縣市攏佇北部粘做伙，合起來就佔全部
25縣市總人口數的36%，是全台灣蹛人上密的地區所在‧
特別的是舊年佇包括：台北市、基隆市、宜蘭縣、彰化縣、南投縣、雲林縣、嘉義縣、
台南縣、高雄縣、屏東縣佮花蓮縣等等，11個縣市的總人口數無增加顛倒來減少，尤其
以花蓮縣減少9.78%上驚人；只有新竹縣、桃園縣佮台中市是有增加10%以上‧
現此時，全世界較發展的進步國家，攏時行晏婚、慢生、生少，閣較過度的是無想欲生
，咱台灣的少年人嘛綴到世界的跤步，咱台灣的查某閣較生少，最近幾年來是東南亞新
娘佮中國新娘拼命生，予咱台灣的後一代繼續是移民血統的生湠，這嘛算是咱台灣400
外年歷史的傳承啦！
媒體上定定看到”不婚族” 、”單身族” 、”頂客族”(DINK;double income no
kids)等等的名詞，彼實在攏是自私自利的歹模樣，社會抑是即款人愈來愈濟，續尾仔
這個族群自然會無去啦！俗語講：人生咱，咱生人，一代傳一代，一世傳一世，才是千
百年的永久代啦！(資料來源內政部)