咱的台灣~~~~~交九轉運站~~~~~遊子 2009.12.12.
佇台北火車頭附近的交九轉運站新開1間大型百貨公司,予附近百貨競爭閣較厲害‧到底交九轉運站是什麼好所在啊?
交九轉運站亦叫做台北轉運站,佇目前是咱台灣上大的交通轉運站,匯集著台鐵、高鐵、長途公路客運、大台北地區捷運、大台北地區公車等等,是大台北地區佮咱全台灣非常重要的交通轉運中心,南來北往的人客,踮遮換車真正利便‧
交九轉運站位佇台北市市民大道的北爿,承德路的東爿,華陰街的南爿,捷運淡水線多功能廣場的西爿,原本是台鐵的貨運服務處佮少部份建成國中的土地,經過規劃,現此時已經變成1座多功能用途的大樓,地面上有18層,地下有6層;長途公路客運的大型客車會使由市民大道駛出去,減少佇台北火車頭附近的塞車,旅遊換車佇大樓內就會用哩!所以,予人感覺真方便‧即馬,又閣增加大型百貨公司,達到多功能用途的實現,相信亦會予人歡迎才是啦!
全站熱搜
留言列表