台語七字仔詩科技跤步強欲綴未著

台語七字仔詩科技跤步強欲綴未著遊子
科技進步有夠緊,
網路內容日日新;
予人目睭花糊糊,
每工時間無夠用。
電子批來來往往,
相片影集文章旺;
精彩資料看未離,
天文地理項項通。
電腦頭前坐規工,
毋知時鐘分秒降;
部落面冊閣噗浪,
跤步強欲綴未透。
補註:
今年因為用較濟時間佇"面冊"[Face Book],
所以,原本的"部落"[Blog]漸漸拋荒去,對
愛護的朋友真歹勢,請轉去"面冊"來行踏賜教.
有時間佇這個"部落"猶原會繼續加料啦!