close
莊子講(63)~~~莊周貸栗~~~遊子
莊子的茨內真散食，有1次伊去向監河侯拜託借一屑仔栗米‧
莊子開喙講：請你好心，會當借我30金來救急---‧
監河侯聽到講：好啦！無問題‧只是即陣我手頭拄好無現金，等我來像百姓收到稅金後，
﹝勿愛﹞講30金，就借予你300金，好麼？
莊子聽到嘆1聲講：昨昏我欲來你遮的半路中，聽到有人細聲仔佇喝我的聲音，一看，原
來是1尾魚仔喙焦到欲死‧
魚仔講：拜託你緊予我淡薄仔水，一屑屑仔嘛好，好麼？
我看到真毋甘，隨應講：好啊！好啊！不過即馬我身軀無半點仔水，等我去到南爿吳越的
所在，向吳王請求引西江的水來遮，來迎接你去大湖，回轉去大海‧好毋好？
魚仔真失望又哀怨講：感謝啦！照按呢，你不如明仔早去賣魚乾的店頭去cue我啦！
所以講：道理不在大小，愛合著拄仔合用才是，傷大無合用，顛倒是無用啦！咱在日常生
活中，絕對毋通手想欲摸到天，顛倒是跤會落落去古井底喔！華語嘛有講：遠水救﹝勿會﹞
到近火‧
全站熱搜
留言列表
