jimmycmlin的部落格

莊子講(64)~~~靈聖的白龜~~~遊子
宋元君有1工眠夢到有人披頭散髮，由茨簷下伸頭入來探伊講：
我是清江使者，本來欲去河伯hia，不過真歹運，在半路中去予掠魚仔人掠去---‧
宋元君就請負責卜卦的人來解釋這個夢到底表示什麼意思？
卜卦的人就先卜卦才講：迄個人是1隻神龜化身變成的，伊即嘛受難囉！予1個叫做余
且的掠魚仔人掠去啦！
宋元君就叫下跤手人去滿四界走cue叫做余且的掠魚仔人‧
宋元君問余且講：你最近有掠到什麼特別的物件？
余且回應講：大王‧有啦！我網到1隻白龜，身軀有5尺長喔！
宋元君講：正是啊！會當cua來予我看mai？
余且就cua白龜來到宋元君的面前講：大王‧就是即隻白龜啦！隻白龜獻予大王你啦！
宋元君想講是愛放生好？亦是﹝台刂﹞死好？
就又叫負責卜卦的人來講：你來卜卦看對即隻白龜，是愛放生好？亦是﹝台刂﹞死好？
卜卦的人就先卜卦才講：嗯！﹝台刂﹞死伊，用伊的龜殼來做卜卦的工具，是吉利喔！
宋元君講：好啦！就照按呢做‧
續尾，﹝台刂﹞死即隻白龜，用伊的龜殼來卜卦，占卜72次，每次攏靈聖無比‧
宋元君知影真歡講：真好啊！真正有靈聖‧
孔子為即項事誌感概講：神龜雖然靈聖無比，結果無法度避開余且的網仔，雖然受難後
會曉託夢予宋元君，拜託來救伊；結果嘛予人無法度避開﹝台刂﹞死之禍；總算伊的龜
殼予人來卜卦，占卜72次，每次攏靈聖無比‧嘛無法度事先避開殺身之禍‧所以，神龜
的靈聖只是小聰明爾爾，無算是大智慧啦！
所以講：小聰明、小智慧有所見，有所不見，因為伊有蒙蔽、看無的所在；大智慧就無
共啦！是無漏的智慧，無漏就是觀照圓滿啦！咱人毋通自以為聰明，顛倒予聰明誤到啊！