close
莊子講(65)~~~自然的用~~~遊子
有1次，莊子對惠子講一段lor lor長的大道理，惠子聽著真煩，就大聲喝講：
你講一大堆屁話，攏是無路用的啦！
莊子聽到又笑笑仔講：就是因為你知影無路用的，才會當和你討論用的事誌啊！
親像你即馬所企的土地，只是你双跤所企的所在迄屑仔爾爾‧如果將其他的所
在攏挖掉，看你感覺按怎？
惠子聽著大喝一聲：哇~~啊！
莊子續落講：按呢，你所企的所在，迄屑仔土地猶有用無？
所以講：”有用”是建立在”無用”的基楚上，有1工，抑準”無用”無去啦！
”有用”嘛是變成”無用”共款是毋是？在咱日常生活中，公司、機構、國家、
社會等，親像一台大機器，每一個人雖然干哪是細細的螺絲釘爾爾，毋是什麼
重要人物，不過，逐個人如果無守本份，1粒1粒漸漸落掉去，到尾仔規台大機
器就﹝勿會﹞轉動囉！所以，每1粒螺絲釘嘛是需要隨時檢查，鎖予an才是‧
全站熱搜
留言列表
