莊子講(67)~~~~~楊朱學道~~~~~遊子
老子西遊到秦國，楊朱知影想欲就近去向老子學道‧
見面就開喙大聲講：先生啊！請你和我同齊來蹛旅館，來教我道‧好麼？
老子聽到仰天大嘆講：你即個人實在無藥可救啦！你講話赫尼阿臭屁，態
度赫尼阿驕傲，予人看到、聽到就討厭、驚你，無想欲和你做伙、湊陣，
你猶想欲修什麼道？
楊朱聽完隨改變態度，真客氣有禮數講：啊！是啦！是啦！我自此一定遵
照先生你所教示的來做，好好仔綴先生你來學道‧
起頭楊朱來到旅館時，其他的旅客看到伊攏真驚惶，毋敢和伊坐做伙、講
話、相交參；但是，過了一段時間，續尾仔楊朱欲離開旅館時，因為講話
、態度有真大的改變，其他的旅客攏和伊真親切相借問，搶欲和伊坐做伙‧
所以講：有心欲修道的人，愛先放空家自的內心，清予伊空空空，毋通想
講我是真有錢、有勢、有權，一定愛先放掉驕傲的心態，才會當以虛心來
學道、修道、容道‧
全站熱搜
留言列表
