jimmycmlin的部落格

用藥保健~~~~~墜腸/疝氣/Hernia~~~~~遊子
報紙寫著：米開蘭基羅的名作”大衛雕塑像”變成下身大大葩的樣，其實是為著病院
欲扭墜腸的患者，所推出的廣告‧予人看到才愛笑，嘛感覺稍可仔不搭不切‧
墜腸是什麼情況？
台語講墜腸，華語叫疝氣，英語講Hernia‧在醫學上，咱人身體內的器官，由正常的
所在移徙去無正常的所在，就叫做墜腸/疝氣/Hernia‧無分查埔亦是查某，嘛無分年
歲的大細，有70~80歲的老大人，嘛有拄仔出世無若久的嬰仔，攏有可能發生喔！
親像：腹肚內下層的腸子，因為隔離的膜仔破損亦是其他原因，造成熚巡，落落去
lan pa底，予下身變成大大葩的樣，是上捷看到的病例，醫學上叫做”腹股溝墜腸/疝
氣”，嘛是一般人所講的”脫腸”啦！其他的病例親像：肚臍的墜腸/疝氣；切口性的
墜腸/疝氣(腹肚內開刀後引起腹肚膨脹起來的情況)；橫隔膜的墜腸/疝氣等等‧
一般拄起頭發生，有人是用手sat倒轉去原位，才復用”墜腸帶”pe著；不過，上正確
的治療方式，是由外科醫師將破損的膜仔修補予好，才是上根本的治療法‧