莊子講(77)~~~毋做犧牲~~~遊子
大臣奉命來到莊子的面前講：阮的大王想欲請你出來做官，來服務百姓‧
莊子斡頭向後壁講：真失禮！你看迄爿牛椆內所飼養的神牛，伊是欲準備
飼來祭拜用的；所以，蹛好的所在，每工食好料，牧草、豆仔粉等等，身
軀予人洗著真清氣，又復披上紋彩的刺繡‧但是，有1工時辰到囉！在伊
予人牽入去太廟來祭拜做犧牲時，伊才想欲倒轉去野外，稱採食地面的野
草，嘛可能會餓肚，自由自在做1隻孤獨的牛，其實已經無可能啦！
所以講：凡事有有一好無兩好，每人取捨的角度、標準無共；有人收入無
濟，不過，精神爽快，時時免著驚，每工輕鬆仔過；有人透早無閒到暗拍
拼賺大錢，未食未睏，時常走3點半，雖然賺到錢，但是無時間去用，續
尾仔拖磨到死‧尤其如果想貪、傷貪，就會予人掠入監獄來判刑啦！不管
是個人、公司、集團亦是政黨攏共款，人在做天在看啊！
全站熱搜
留言列表
