jimmycmlin的部落格

新聞辭典~~量子力學佮多重宇宙~~遊子  2013.11.18.

媒體報導：量子力學證實意識袂死。依據美國北卡羅萊納州維克森林醫學院大學教授蘭薩(Robert Lanza)所講，由量子力學角度出發來研究，有足濟證據會當證明咱人死了後並無消失，死亡只是咱人類意識所造成的幻象。肉體的死亡是物質元素位佇停頓狀態，人的意識訊息猶會當活動，算是超越肉體的”量子訊息”亦會使講是咱一般所講的”靈魂”啦！

什麼是量子力學？

量子力學是20世紀初期由德國學者普朗克(Max Planck)等物理學家所創立，用來觀察微觀物質的世界，並透過計算來解釋無法度直接看到的現象。

每一個宇宙攏有家己獨立的時空(time space)，量子力學會使幫助咱去觀察多重宇宙(Multiple Universes)的存在。咱人類到今猶無法度真正看到多重宇宙的原因，就是因為咱無法度佇平行宇宙(Parallel Universes)中由這個時空跨過去另外一個時空；亦親像咱人類無法度踏入另外一個地球共款。這個概念嘛捌佇2011年予人拍成電影叫做”另外一個地球”(Another Earth)。

[資料來源：自由時報.詹立群整譯.]