台語散文:醫病關係⋯三長兩短
咱一般人去大病院的看病經驗
差不多攏共款.
無網路佮電話進前,佇現場掛號愛排長長長的隊!亦無一定掛有號.
佇候診區等看病時,心內感覺時間過真久囉!猶未輪到!
候診區輪到時,佮醫生講無兩句話,醫生應講:知啦!知啦⋯⋯
真緊,醫生就開好藥單,
講:會當去領藥仔,另工才閣來檢查⋯
去藥局領藥仔時,亦是繼續等啊等⋯
話講有一擺
佇候診區有一個阿伯,對邊仔人講:
這個醫生看病有夠慢,真久才跳無幾號,真正是慢跤慢手⋯
醫生佇內面聽到,
拍開門縫大聲講:
抑無,
你講號?
等著輪著你入來,
我會看較緊啦⋯⋯
全站熱搜
留言列表