台語散文詩：都更
萬丈高樓平地起
舊的無破
新的無來
鼕！鼕！鼕！
免幾工
規俳舊樓仔茨
攏斷壁塌頂
開闊茨地
轉為
空空空
續落來幾仔年
轟！轟！轟！
挖地基
是深深深
機械出入
來來去去
看著工程員
起起落落
無暝無日趕進度
模板鐵筋
一樓一樓竄著起
五樓十樓
十五二十
標示牌愈來愈懸
上樑囉
完工入茨囉
市區街景是較壯觀
有人是歡喜入新茨
有人是樂暢舊換新
暗時仔的茨燈
亦沓沓仔增加
毋過
換著角度
亦有人揣無
往昔的記智
過去的
舊茨邊隔壁
叨位去
天頂的雲
無什麼變化
巷仔內的滋味
消失甲
無影無跡
細漢仔的囡仔伴
隨人出外發椏
遮是伊
寂莫的所在
都市的繁華
佮伊無佇代
總是過去囉
凡事
攏嘛
有人好
有人歹
歡喜就好
隨緣自在
全站熱搜
留言列表
