台語文演講稿~~~~~講到錢就嚥氣-----蔡素珠(遊子整理)
人生親像1齣戲，有時歡喜有時悲，凡事攏愛照道理，好額散赤隨在天‧
人比人是氣死人，佇台灣的社會中，好額散赤差足濟，有1份報告講：佔咱總人
口前20%的好額人，每儉218萬箍時，踮後20%的散赤人才會當儉2萬箍爾爾；
抑是散赤人儉20萬箍時，好額人已經長2180萬箍啦！真是天差地‧俗語講：
人2跤錢4跤‧對普通人來講確實有影，仙jik嘛jik﹝勿會﹞到‧
有錢講話會大聲，無錢講話無人聽‧好額人有金山銀山，食的是山珍海味，穿的
是豔羅紡絲，茨內外傭abc，出門專坐飛行機，勞螺是載滿天星，皮包愛guaN
LV，珠寶愛掛Tiffini，講到衫仔褲，就愛穿Amani‧講安呢派頭才有夠粗搁有
霸氣‧散赤人為錢賭性命，為著顧3頓，囡仔cua來去大路頂的安全島，去賣玉
蘭花，就愛忍受風吹、日頭暍，實在真歹命‧嘛有為著交﹝勿會﹞出囡仔學費
的家長，去互學校罰寫悔過書，佇hiah目屎流、目屎滴‧有人為著無錢，向地
下錢莊借，你甘知？向地下錢莊借1萬，1個月後愛還10幾萬；借10萬，半年
1後愛還幾仔百萬喔！抑準你還﹝勿會﹞起，就掠你去凌治，卡夭壽步的會順
續剁跤手‧報紙有寫到1家伙仔，為著還﹝勿會﹞起錢莊的錢，只好6個人鬥陣
駛家己的車去墊海，可憐的6條寶貴人命攏無去啊！嘛有向銀行借錢，抑是利
用信用卡盡量鑢互爆去，銀行討錢嘛真硬，因為還﹝勿會﹞起才來燒炭自殺‧
俗語搁講：人為財死，鳥為食亡‧民意代表抑是政府官員，真濟人嘛攏真愛錢，
人講：做官哪清廉，食飯就愛攪鹽‧佇雲林縣佮台北市，攏有1座大停車場，開
幾仔億起的，即馬囥佇關蚊仔，這是毋是佇浪費咱百姓的血汗錢！嘛有官司纏身
的立法委員，一直肖想做司法組的召集人，見siau2字毋知安怎寫？為什麼即種
人選舉搁會diau？人講：選舉無師父，用錢買就有‧真正是有錢使鬼會推磨‧
講到錢就嚥氣，總是比上不足，比下有餘‧奉勸所有的好額人，多做善事多布施，
毋通有錢想bhue搁卡有錢，抑是煩惱好額﹝勿會﹞過3代人，有布施有福氣，免
求自然來；無布施無福氣，就會1代儉腸勒肚，2代看錢哪塗，3代當田賣某，到
時就艱苦‧散赤人愛知拍算，未曾想贏先想輸，毋通開支傷過濟，才來四界借錢
，互家己踏入無翻身的機會‧
雖然有1對聯寫：倒爿是“生無紮來”，正爿是“死無紮去”，頂仔橫批是：
“愈濟愈好”‧不過，咱攏是：双手空空來出世，毋通為錢拼生死，比頂不足
下有餘，歡歡喜歡過一時‧
人生親像1齣戲，有時歡喜有時悲，凡事攏愛照道理，好額散赤隨在天‧
人比人是氣死人，佇台灣的社會中，好額散赤差足濟，有1份報告講：佔咱總人
口前20%的好額人，每儉218萬箍時，踮後20%的散赤人才會當儉2萬箍爾爾；
抑是散赤人儉20萬箍時，好額人已經長2180萬箍啦！真是天差地‧俗語講：
人2跤錢4跤‧對普通人來講確實有影，仙jik嘛jik﹝勿會﹞到‧
有錢講話會大聲，無錢講話無人聽‧好額人有金山銀山，食的是山珍海味，穿的
是豔羅紡絲，茨內外傭abc，出門專坐飛行機，勞螺是載滿天星，皮包愛guaN
LV，珠寶愛掛Tiffini，講到衫仔褲，就愛穿Amani‧講安呢派頭才有夠粗搁有
霸氣‧散赤人為錢賭性命，為著顧3頓，囡仔cua來去大路頂的安全島，去賣玉
蘭花，就愛忍受風吹、日頭暍，實在真歹命‧嘛有為著交﹝勿會﹞出囡仔學費
的家長，去互學校罰寫悔過書，佇hiah目屎流、目屎滴‧有人為著無錢，向地
下錢莊借，你甘知？向地下錢莊借1萬，1個月後愛還10幾萬；借10萬，半年
1後愛還幾仔百萬喔！抑準你還﹝勿會﹞起，就掠你去凌治，卡夭壽步的會順
續剁跤手‧報紙有寫到1家伙仔，為著還﹝勿會﹞起錢莊的錢，只好6個人鬥陣
駛家己的車去墊海，可憐的6條寶貴人命攏無去啊！嘛有向銀行借錢，抑是利
用信用卡盡量鑢互爆去，銀行討錢嘛真硬，因為還﹝勿會﹞起才來燒炭自殺‧
俗語搁講：人為財死，鳥為食亡‧民意代表抑是政府官員，真濟人嘛攏真愛錢，
人講：做官哪清廉，食飯就愛攪鹽‧佇雲林縣佮台北市，攏有1座大停車場，開
幾仔億起的，即馬囥佇關蚊仔，這是毋是佇浪費咱百姓的血汗錢！嘛有官司纏身
的立法委員，一直肖想做司法組的召集人，見siau2字毋知安怎寫？為什麼即種
人選舉搁會diau？人講：選舉無師父，用錢買就有‧真正是有錢使鬼會推磨‧
講到錢就嚥氣，總是比上不足，比下有餘‧奉勸所有的好額人，多做善事多布施，
毋通有錢想bhue搁卡有錢，抑是煩惱好額﹝勿會﹞過3代人，有布施有福氣，免
求自然來；無布施無福氣，就會1代儉腸勒肚，2代看錢哪塗，3代當田賣某，到
時就艱苦‧散赤人愛知拍算，未曾想贏先想輸，毋通開支傷過濟，才來四界借錢
，互家己踏入無翻身的機會‧
雖然有1對聯寫：倒爿是“生無紮來”，正爿是“死無紮去”，頂仔橫批是：
“愈濟愈好”‧不過，咱攏是：双手空空來出世，毋通為錢拼生死，比頂不足
下有餘，歡歡喜歡過一時‧
文章標籤
全站熱搜
相放伴，寫母語文。鬥陣寫，無分野。噯寫才會贏～～ 小欣ＭＭ，汝互我點著囉。噯趕緊寫哦～～ 未寫進前，先看遊戲規則： （1）、http://lomaji.com/blog/chhng-khou/000921.html （暗光鳥ê厝 /A-giâu） （2）、http: //www.ccuart.org/yiying/archives/2005/09/eeae_a_game.html （阿穎 明目地磺玩 / 阿穎） 遊戲規則瞭解好勢，請 接sòa 下底即篇的內容寫落去～～ http://blog.yam.com/limkianhui/archives/525495.html 一定噯寫哦～～ 寫好了後，噯會記去點別人的名，招人來寫sòa落去～
歹勢歹勢，舞呣著去啊！Ｂeh點汝，soah寫成“小欣ＭＭ”。。無要緊， taⁿ佫共汝招一遍ah...噯會記寫哦～～
無要緊，多謝你看有起， 互我先瞭解規則按怎sng了後， 才敢撥工來參與‧ 感謝啦！
無要緊，勻仔序~，趣味趣味啦，呣免緊狂。感恩。
其實佇今年8月19日我就互人點過啦！囥佇無分類文章單元‧ 這就是少年囡仔上熱門的~~~網路串聯的戲法！ ﹝勿會﹞啦！趣味，趣味！ 即擺用另外1個題目來接力續落去寫，嘛是好喔！
題目：日出 Phīⁿ 著露水兮香味，擱行差不多一百公尺著是山頭囉。伊會記 chit ，以早山 頭應該是有一間寮阿，徛佇尚高兮所在，若親 chhiōⁿ 咧 khoàⁿ 雇下底兮雲 海。十年前，共款是春天欲離開熱天欲chông來兮時，共款是烏暗欲睏去光明 欲chíⁿ來兮時， in 共款作伙peh著這e5凍露水兮崎。彼時，講欲 khoàⁿ 日 出，佇日頭出來兮時咒誓…… 這大概是頭1篇的款？想看按怎樣接續卡好？
HI!平安！ 下晝激腦筋，想講起頭題目是“日出”，主角就是日頭囉！ 想著今年頭1工透早4點就佇阿里山頂等日頭出的情形， 紮轉來的2憶緊搁搬出來，記憶佮回憶，隨手寫出七字仔詩來鬥續落去， 會用哩麼？才請雅正： 七字仔詩~~日出~~~ 山頭懸嶺暗矇矇，繁星天頂硞硞zong‧ 月娘漸閃徙邊覕，讓位換我頭來捅‧ ghia頭烏雲激歸層，風爺飛舞過來參‧ 抑無in來裝烏面，欲見公明誠簡單‧ 良辰吉時褪睏袍，金光閃熠四界掃‧ 烏雲衝入雲海鬥，眾人看我真悿頭‧ 歡歡喜喜來出場，分分秒秒成大球‧ 天地目﹝目聶﹞無共樣，祈求好冬有庇佑‧
Jimmy兄： 上好是接tī Limkianhui hit篇ê後壁，是伊點你ê o·。 不而過，講實在--ê，我其實mā有破壞規則ê「前科」，所以...隨在啦。
a-giâu 桑：平安！ 感謝你的提醒‧ 實在講規則我嘛猶未真瞭解‧ 無要緊，趣味就好！