jimmycmlin的部落格

新聞辭典~~~~~831(八三么)~~~~~遊子
最近媒體報導：1位名醫用畫尪仔圖的方式，來描寫紀錄古早做兵時期的極樂831的嗒嗒
滴滴的代誌‧到底”831”是代表什麼意思？
佇25年前做過兵的人攏知影佇兵仔營邊仔一定有”831”(八三么)即種所在，講較白就
是”軍中樂園”亦是”兵仔的茶店仔”啦！不過，到底按怎叫做”831”(八三么)？可
能真濟人攏無清楚，準做時常去報到的人嘛毋知‧
佇做兵時咱攏知影佇數字方面”0”叫做洞，”1” 叫做么，”7” 叫做柺等等；上起
頭佇金門防衛司令部設”軍中樂園”，頭1間設佇金城鎮，伊的電話分機是”831”，
自hit時陣起，欲去爽的軍官亦是士官兵，為著面子驚歹勢，漸漸就用”831”(八三么)
代替”軍中樂園”啦！後來毋管是佇外島的金門、馬祖、澎湖亦是台灣本島，攏總用”
831”(八三么)來代替”軍中樂園”‧而且繼續留傳落來‧
早期自1950年代起，由大金門小金門大膽島開始開”831”，大金門小金門是固定所在
，大小膽島等離島是定期用小艇載欲提供服務的姑娘仔過去，可能2禮拜1擺去換班服務
；後來毋管是佇台灣本島的東西南北，只要佇兵仔營邊仔一定有”831”啦！一直到
1974年，台灣社會開放進步多元化，娛樂場所增加，為著改變社會民眾對”831”無好
的觀感，本島的”831”就停止營業接客，外島的金門佇1990年停止營業接客，馬祖佇
1992年停止營業接客，部份的”831”場所轉型做卡拉OK唱歌的所在亦是賓館‧
”831”(八三么)是專制歷史的產物，時代行到即陣，親像2次大戰時的”慰安婦”，
嘛已經變成歷史名詞囉！