jimmycmlin的部落格

咱的台灣~~~明倫三聖宮~~~遊子 20083.07.14.
媒體報導：桃園明倫三聖宮是揣車的靈廟，聽講只要向明倫三聖宮的關聖帝君下願，拍無
去的”烏都”黑禾)”(英語是Autobike;華語叫做機車)，真緊就會當揣倒轉來‧
桃園明倫三聖宮是因為桃園三結義的典故，佇1934年上頭先起廟佇桃園市中正路大廟前的
巷子底大圳溝邊，香火一直真旺，後來佇1979年遷徙往虎頭山的前山並擴大寺廟的規模‧
後有靠山，前仔看去闊闊，予人感覺真好，香火愈來愈旺，信徒(足百)山健身兼參拜，真
正是一兼二顧，摸蜆仔兼洗褲啦！
明倫三聖宮主要供奉關聖帝君、呂純陽帝君佮九天司命真君，亦有奉祀觀世音菩薩、天上
聖母等神明，注重誠心誠意佮環保概念，叫信徒參拜1爐1支香就好，而且無燒金紙；嘛是
桃園縣立虎頭山公園重要的景點之一，閣較是地方民眾的信仰中心‧
2008年4月中旬，明倫三聖宮舉辦”關公上靈聖，拜斗好福氣‧”佇廟內拜埕辦理”跋杯”
比賽活動，由桃園市信徒黃子瑄以連續13擺聖杯，得到頭名佮價值50萬箍的烏頭仔車，這
是今年地方上熱門開講的話題‧