jimmycmlin的部落格

台語文~~~~~火車~~~~~遊子
行到火車頭，看著火車，就想到40年前，通勤讀冊﹝乞阝﹞時陣‧
透早天猶未光，阿母就叫我起床‧
我目睭亦﹝目奎﹞﹝目奎﹞，就看到阿母﹝扌贊﹞好的早起頓‧
泔靡仔、醬鹹搁有一粒阿母無甘食的煎卵‧
車頭內面的月台頂，等車的人有夠濟‧
穿無共款制服的讀冊囝仔，有高中生、讀初中的嘛有幾個仔大學生的款‧
趕緊﹝要卜﹞去做樯的食頭路人，亦有擔菜﹝要卜﹞去艋舺賣的庄腳阿桑‧
天才小可仔光，月台頂一下仔就人滿滿，大家透早就開始為生活來打拼‧
火車頭頂，歕一陣厚厚的烏煙，
“嘟~~~”一聲，就慢慢向前行‧
是不是載了尚過頭濟，乎伊行甲喘喘喘‧
鐵枝仔路，有彎嘛有直，行過平洋亦有拄著﹝足百﹞崎‧
為了車內人的生活，伊無怨、無歎、無停佇﹝金將﹞﹝金將﹞行‧
“滾水喔！燒滾水喔！請借過一下仔”
服務生佇真揢的車內，為人客服務‧
有位坐的人，有的目睭﹝目盍﹞﹝目盍﹞佇小寐一下仔，歇睏養精神‧
有的佇掀冊看報紙，讀冊囝仔攏佇認真看冊搁背冊‧
有的人大聲開講說天地，也有愛人仔倚耳仔邊佇講細聲話‧
擔菜的阿桑，甲菜擔仔囥佇車門邊‧
﹝ㄔ奇﹞著的人，就綴火車振動，﹝扌亥﹞來﹝扌亥﹞去，﹝ㄔ奇﹞﹝勿會﹞﹝止周﹞‧
無搁，大家攏慣勢啦！
火車行行又停停，一站又過一站，鶯歌、山仔腳、樹林、板橋和艋舺，
有人落車，嘛有人上車，車內愈來愈揢‧
“台北到囉！台北到囉！”的放送聲，一陣搁一陣‧
“落車的旅客請----”，
落車的人比上車的人卡濟，即時，車內變成冷冷清清‧
無過，無管坐車人客的濟少，
伊共款繼續甲車內的人，載去﹝人因﹞﹝要卜﹞去的所在‧
永遠，永遠-----.



、