jimmycmlin的部落格

台語笑科料~~~~~在飛機頂聽到的笑科~~~~~遊子
會記得今年歇熱的時，阿爸佮阿母cua阮兄妹仔去日本佚佗，頭一擺坐飛行機，感覺非
常歡喜，看到逐項物件攏真趣味，其中有聽到亦是看到真笑科的事誌，到即陣，每擺想
到就笑﹝勿會﹞煞；想講有機會的時，嘛講出來予朋友來笑笑分享‧
(1).入去飛機頂了後，上起先，阮真順序就揣到阮的位坐落來，飛機頂鬧熱滾滾，阮
看到阮共團的李阿伯和伊的牽手站在頭前和空中小姐講話，﹝人因﹞2人的座位是：24c
和24d，因為毋知在叨位？就請空中小姐cua﹝人因﹞去‧阮聽到空中小姐真親切講：
「李先生，你是豬(24d)，坐在遮啦！」空中小姐手指迄個位講‧
伊的牽手聽到伊的頭家予空中小姐叫你是豬，心內就無什麼歡喜，不過，嘛綴著問講：
「小姐，阿~~我的位呢？」
空中小姐看伊的登機證(24c)續嘴講：
「喔！當然，妳是死在伊的邊仔啦！」
阮看到李阿姆歸個面臭臭臭，攏無愛復講什麼話啦！


(2).續落來，阮看到上頭前一直是亂哄哄，毋知猶是發生什麼事誌啦！看到空中小姐嘴
仔笑笑，不過，雙手指來指去，指前指後；原來是幾仔位別團的阿公阿媽，想講上頭前
的位卡闊、卡舒適，是飛機頂的博愛座，感覺航空公司真搭心，服務有夠讚，坐落去了
後，空中小姐過來三請四拜託，﹝人因﹞就是毋肯徙轉動，予商務艙的人客無位通坐，
才會亂哄哄‧
阮即團的領隊大哥知影了後，就對空中小姐講：」亦毋卡早講，這簡單啦！看我來處理
就好‧」
領隊大哥隨徙去上頭前，對佔位的阿公阿媽講：
「各位阿公阿媽緊坐予好，飛機準備欲起飛囉！上頭前隔是欲飛美國的；後壁隔才是飛
日本的喔！「
佔位的阿公阿媽聽完大聲喝：什麼啊！飛日本的是坐後壁隔的！夭壽喔！亦毋卡早講‧
緊徙來後壁隔才對啦！「
歸台飛機頂的人攏綴著笑甲目屎流目屎滴‧


(3).後來，飛機飛去到懸懸懸的天頂囉！空中小姐和空中少爺推著餐車為人客服務，不
過，看到一個空中少爺將伊的雙手匟在後壁，將餐車扭著行，和別人無共款，面色看起
來歹勢歹勢，原來是伊穿的褲的後壁離線紗去，愈裂愈大縫，伊才會將餐車改用扭著行，
正面向前寬寬仔行，伊想講按呢會當稍可仔遮著，不過，等伊行到上尾仔排時，有1個人
客好心倚來，細聲對伊講：」你的水庫門關無好喔！

」
(4).過有約久啊！飛機飛阿飛，差不多欲到位啦！下面的茨啦！路啦！漸漸看會到囉！
嘛聽到空中小姐用甜蜜甜蜜的聲音在放送講：
「各位旅客，感謝恁坐XX航空公司的班機，咱的飛機復幾分鐘仔就欲到墓地(目的地)啦
！飛機嘛準備欲降落囉！請逐家綁好你的安全帶；飛機落土(著地)以後，請準備好恁的
牲禮(行李)，恁欲離開行去(離去)時，阮全體機員會向恁逐家拜拜(Bye.Bye.)‧感謝
啦！

「