jimmycmlin的部落格

新聞辭典~~~~~香魚~~~~~遊子 2009.05.016.
會記得細漢時聽阿爸講：新店溪水清清，是出產鰈魚好所在，其實佇hit當時，根本鰈魚是什麼樣？連看嘛毋捌，mai3講食啦！到後來出社會，食到日本料理的烘香魚，才知影香魚就是阿爸所講的鰈魚，滋味實在讚！可惜因為台灣工業發展，造成環境污染，新店溪亦無閣看到鰈魚的身影啦！一段真長的時間，市面上做料理用的鰈魚攏靠進口的‧
香魚屬於鮭魚目的鰈魚科，所以亦予人叫做鰈魚‧體型細長像紡錘形，kha-tsia3-phiann有幼幼圓形的魚鱗片仔，kha-tsia3-phiann是閃著銀青色，來到腹肚色緻愈來愈淺，一般有10~30公分長，上大嘛有達到35公分，肉質鮮幼有特別的芳味，卵白質真濟，屬於價數好的高經濟水產魚類‧
咱台灣亦有人用心培養出鰈魚囉！大部份佇宜蘭地區有清氣環境的所在，市面上魚卵飽飽的香魚每公斤大約500箍，無卵的香魚每公斤大約300箍，其實魚卵飽實度佇60%~70%的香魚上好食，口感上讚！傷飽傷少攏無好‧