[這是仁川國際機場內出境通關後的民俗表演]
新聞辭典~~~已開發國家~~~遊子 2012.05.29.
媒體報導：南韓已經進入已開發國家的名單，是全國排名第7個國家，咱台灣落佇南韓的尻川後，而且愈來愈遠啦！是什麼資格才會當算是已開發國家？
依據世界共同認定的標準：是指經濟發展的程度較懸、技術較先進、生活水準較懸的國家；嘛叫做先進國家、已發展國家、工業化國家等等‧一般予人提出做評估的因素包括：國內生產毛額[GDP]、國內每1個人平均國民所得、工業化的程度、基礎建設的普及度佮一般人民的生活水準等等‧
雖然，欲按怎來界定是毋是”已開發”，猶原是有爭議的議題，親像聯合國的”人類發展指數”[HDI]就是包括：國內生產毛額[GDP]、國內每1個人平均國民所得、預估人民壽命、國民的捌字率等等做為綜合標準，HDI指數較懸才算是符合，才會使列入為已開發國家‧
另外，經濟合作暨開發組織、世界銀行的界定標準是：以國內每1個人平均國民所得較懸的才算是已開發國家‧2010年世界銀行定義的高所得是12276美元以上；國際上通用的共識認同是2萬美元為標準‧
另外一方面來講，無符合界定標準的國家，是予人叫做”發展中國家”、”低度開發國家”等等‧
根據國際貨幣基金會[IMF]所統計，佇2010年時陣已開發國家總共佔全世界名義GDP的65.8%，佇全世界的購買力人均GDP的52.1%。
補註：台灣佮南韓經濟表現比較~~[資料來源：主計處]
2000年:[台灣/南韓]
GDP.3262/5335[億美元];人均GDP.14704/11292[美元];出口總額.1519/1722[億美元].
2010年:
GDP.4301/10143[億美元];人均GDP.18588/20759[美元];出口總額.2746/4664[億美元].
2011年:
GDP.4669/11164[億美元];人均GDP.20122/23749[美元];出口總額.3083/5578[億美元].
留言列表
