jimmycmlin的部落格

新聞辭典~~~浮士德~~~遊子 2012.05.29.
媒體報導：前總統李登輝講：過去四年來，政府一直強調「台灣接單、海外生產」的發展模式，這就親像浮士德用靈魂去和魔鬼從事交易，以至高無上的台灣發展主體性，去交換少數財團佮大企業的經濟利益，造成咱的國家過度依賴中國的經貿。什麼是浮士德？伊代表什麼意思？
浮士德[Faust]是歐洲中世紀傳說的人物，有人講伊是赤跤仙仔[華語叫做巫師]，嘛有人講伊是算命仙仔[華語叫做占星師]，聽講浮士德讀過真濟冊，學識淵博、精通變魔術，毋過，為了追求閣較濟的知識佮權力，伊sa向魔鬼來出賣伊家己的靈魂‧
浮士德出現佇歐美真濟文學、音樂、歌劇、電影、電視劇、甚至動漫等等作品，到今上有名的就是德國大文豪歌德的” 浮士德”，故事內容是講：浮士德博士為著走揣生命的意義，佇魔鬼利用種種的手段siann5伊時，伊用伊家己的靈魂去交換到魔鬼的幫助，予伊經歷到愛欲、歡樂、痛苦等等無共感受的階段，佇伊生命的上尾仔崁斬體會著人生的目的‧
所以，前總統李登輝講以至高無上的台灣發展主體性，去交換少數財團佮大企業的經濟利益，就親像浮士德用靈魂去和魔鬼從事交易，才會造成咱的國家過度依賴中國經貿的惡果啦！