jimmycmlin的部落格

(Niagara Falls;大水淌/tua7-tsui2-tshiang3)
台語文~~~~~國外旅遊答答滴滴的感想(1)~~~~~遊子 2008.06.05.
自公司退休後才又閣有機會翁仔某做伙去國外旅遊，即次是去美國和加拿大東部主要6大
都市行行看看，無共所在的景緻有無共的嫷，這後來才寬寬仔講來予逐家分享；即陣，想
講佇這擺旅遊答答滴滴的感想先寫出來予逐家來參考看覓‧
(1).健康一定排頭前，翁仔某感情愛愈陳愈深愈芳，感受到”生後生是好名，生查某囝才
是好命”；亦有真大的衝擊是”有18%通領的人”實在讚啦！
阮這團總共有20人，另外領隊兼導遊1人，其中：上懸歲數76歲，70歲以上有5位，包括：
76歲的老阿伯是家己1個來參加，1對翁仔某對、2對母女對；所以講：70外歲猶原會當參
加長途的國外旅遊，無健康的身體甘有法度？團裡翁仔某對共仔有6對，以50外歲的較濟，
有影是牽手一世人，翁仔某感情愛愈陳愈深愈芳，過了中年感受愈深喔！有2個查某囝陪70
外歲的老母來遊覽，親像佇國內陪老父老母去病院看病、去四界遊覽，攏是以查某囝佔多
數共款，所以，才會感受到嬰仔出世時，感覺真歡喜，大漢了後才又感受到無共款，大部
份攏會認同：生後生是好名，生查某囝才是好命‧亦有是團裡有4個退休的查某老師，走過
世界袂少所在，歐洲、非洲、美西、南美洲、東北亞、東南亞，中國的絲路、大江南北等等
閣較免講，嘛是50外歲爾爾，予人看著真正欣羨，因為(人因)有18%通領啊！這就是咱台灣
無公平正義，過去8年政府無魄力去改革的大失敗！

(路邊咖啡座)
(2).距離感放大，心胸放闊‧
行程10工，扣除頭尾坐飛機，佇7工內欲走行3500公里，其中有2工是每工800公里，已經
是台灣滾1輪囉，實在悿；毋過，佇土地闊的大陸型國家地區走行，予人的距離感放大，心
胸放闊‧一般咱佇台灣南北部走tsong5，感覺真正遠，其實一tsua7路嘛才400~500公里
爾爾，像按呢超過800公里的路程，佇土地闊的大陸型國家地區是真平常的代誌‧咱台灣雖
然是小島，毋過，有海洋的包容性，生活佇島內雖然距離感較短，但是性地善良、心胸真闊
、有肚量‧嘛按呢才造成400年來一直予外來政權管的運命！

(102層的帝國大廈)
(3).族群的和諧做伙情況‧
每到選舉時陣，咱台灣就予人吵族群的問題，其實佇世界逐國攏有無共族群的問題，佇美國
尤其族群的數目閣較濟，白人、烏人、黃色人、咖啡色人；原住民的印地安人嘛有幾仔十種
喔！毋過，攏互相尊重，和諧做伙，政府的族群政策嘛公平對待，嚴格執行‧所以，這次有
烏人出頭天，欲來代表民主黨競選美國總統，這嘛是有史以來頭一擺‧咱台灣毋知欲到什麼
時陣才有法度真正的族群和諧做伙？予台灣人家己管理家己的土地？看來希望猶真遠啊！連
台灣這2字嘛漸漸欲拍毋見去的款喔！

(族群的和諧做伙)
(4).孤兒的感覺‧
上尾仔1工去聯合國總部(UN)參觀，地球上赫尼阿濟國家的國旗插佇旗篙仔頂，由頭看到尾
，就是無咱台灣的國旗，準做叫做中華民國嘛是共款無看到影，論土地、論人口、論經濟、
論科技、論什麼攏好，咱台灣兜一點輸人？兜一點無夠格？就是無咱台灣通企的所在，歷史
錯誤的決策，強權的世界，咱台灣只有予人做肉tiam啦！佇聯合國總部內，規陣台灣人親像
孤兒共款，實在悲哀啊！台灣人到今猶原袂覺悟，心內閣卡疼！哀~~呀！

(看無台灣的國旗)
(5).臺灣是寶島‧
有1工行程由加拿大北爿的Quebec透早出發只有4度，過國界行800外公里，到美國的Boston
時是23度，這是生活佇臺灣的人想袂到的代誌，加拿大差不多1年有6個月是落雪的季節，6月
至10月才有青翠的草木，多彩的花蕊，好食的水果，開展逐種有活力的活動等等，無像咱台
灣四季如春，青菜果子隨時有，種類濟，俗閣好食‧欲山有山，欲海有海，只是台灣人攏真做
,毋甘享受，抑準，佇台灣生活拍拼，跤步稍可仔放慢，愛趁嘛愛會曉享受，按呢咱台灣真正
是寶島喔！
(MIT campus;麻省理工學院)